Royal University of Agriculture

ឱកាសដ៏ត្រចះត្រចង់សម្រាប់អនាគតយុវជនជនជាតិដើមភាគតិចពូនង! សូមអបអរសាទរដល់យុវជនជនជាតិដើមភាគតិចពូនងទាំង ១០នាក់ ដែលទទួលបានអាហារូបករណ៍ពីគម្រោងរេដបូកកែវសីមា!

ឱកាសដ៏ត្រចះត្រចង់សម្រាប់អនាគតយុវជនជនជាតិដើមភាគតិចពូនង!

សូមអបអរសាទរដល់យុវជនជនជាតិដើមភាគតិចពូនងទាំង ១០នាក់ ដែលទទួលបានអាហារូបករណ៍ពីគម្រោងរេដបូកកែវសីមា!

តាមរយៈកម្មវិធីអាហារូបករណ៍យុវជនសម្រាប់សហគមន៍ក្នុងគម្រោងរេដបូកកែវសីមា (Keo Seima EmpowerED) ក្រោមការគាំទ្រថវិកាពីគម្រោងរេដបូកកែវសីមា និស្សិត ១០នាក់ (ស្ត្រី ៩នាក់ និងបុរស ១នាក់) ដែលជាជនជាតិដើមភាគតិចពូនងមកពីសហគមន៍ក្នុងគម្រោងរេដបូកកែវសីមានៃខេត្តមណ្ឌលគិរី ទទួលបានឱកាសបន្តការសិក្សាជំនាញសំខាន់ៗក្នុងថ្នាក់បរិញ្ញាបត្ររយៈពេល ៤ឆ្នាំ នៅសាកលវិទ្យាល័យភូមិន្ទកសិកម្មក្នុងរាជធានីភ្នំពេញ។

ក្រោមកម្មវិធី Keo Seima EmpowerED អង្គការសមាគមអភិរក្សសត្វព្រៃ(WCS) កម្ពុជា សហការជាមួយសាកលវិទ្យាល័យភូមិន្ទកសិកម្ម (RUA) បានរៀបចំកម្មពិធីជួបសំណេះសំណាល និងប្រគល់វិញ្ញាបនបត្រផ្តល់អាហារូបករណ៍ជូនដល់និស្សិតទាំង ១០រូប នាព្រឹកថ្ងៃទី១៦ ខែមករា ឆ្នាំ២០២៦ នៅសាកលវិទ្យាល័យភូមិន្ទកសិកម្ម ក្រោមអធិបតីភាពរបស់ឯកឧត្តមសាស្រ្តចារ្យបណ្ឌិត ង៉ោ ប៊ុនថាន សាកលវិទ្យាធិការ នៃសាកលវិទ្យាល័យភូមិន្ទកសិកម្ម និងលោក នេត វិបុល នាយករងអង្គការសមាគមអភិរក្សសត្វព្រៃ(WCS)។ កម្មវិធី Keo Seima EmpowerED នេះផ្តល់ឱកាសឱ្យយុវជនក្នុងសហគមន៍នៃគម្រោងរេដបូកកែវសីមាទទួលបានការអប់រំខ្ពង់ខ្ពស់ដើម្បីអាចឱ្យពួកគេចូលរួមចំណែកបានកាន់តែពេញលេញក្នុងការអភិវឌ្ឍសង្គមជាតិ ជាពិសេសការលើកកម្ពស់ជីវភាពនិងការអភិរក្សធនធានធម្មជាតិនៅសហគមន៍របស់ពួកគេ។

Scholarship

Students who are looking for a scholarship, RUA provides a number of sources of scholarships.

Contact Info

Royal University of Agriculture, Sangkat/Khan Dangkor, Phnom Penh, Cambodia.

Tel: (855) 11 967 877 / 16 578 012

Email: info@rua.edu.kh